| Profiel van CastieHeaVeN fOr CasTiEFoto'sWeblogLijsten |  Extra  Help |
|
HeaVeN fOr CasTiEとうとう帰ったね～「仁、お帰りなさい！！」
19-6-2007 久违的冠军哈哈,皇马终于攞翻失去咗5年嘅冠军!!!
冇记错嘅话,应该系第30个西甲冠军喇~~
第30个
哩一切,我都要感激碧咸!
因为佢嘅离开,救咗皇马!!
自从佢去到皇马,皇马就未好过...
依家佢话下年走,冠军就翻嚟喇!!!
仲有,要多谢下Rayes~打得好啊!!
Spurs同样如我所愿,4:0狂扫骑士~
因为我真系唔中意LB James,
等佢系Finals吃蛋都好~~ 11-6-2007 点解咁多人睇G4最近,系FC2度开咗个Blog~
版面好靓,开得又好快,
只系对我嘅HTML代码知识有所挑战~
讲翻正题,我真系唔明,点解啲人咁得闲去睇G4...
仲要半夜三更睇嘅人都有...
我今次真系样衰死喇!!!
系度澄清!!!其实我宿舍都差唔多去晒嘎~
仲有几个同学都有去~
所以,唔系啲咩大事!!!
唔好咁激动~!!
-------------------------------------------------
可能,迟啲我会成为红人 - -||||| 1-6-2007 综英小组再聚 自从BF去咗NY City之后,加上冇咗综英课之后,
我地小组都冇出嚟聚餐过...
讲起都不禁有啲失落..
其实有时真系好怀念果时综英嘅日子~
课虽然唔好上,但胜在可以吹水~
真系好似有初中,高中果种Feel!!
哩样系喺我个班入边搵唔到嘅......
( 讲起都有啲悲哀,
我依家上课竟然系唔讲嘢嘎...)
每次聚餐, 其实都冇咩重点~
我觉得系我地是但搵个理由出嚟吃嘢~
而对于我, 就系一个出去吃好啲嘅借口~~哈哈哈哈!!
今次我地去咗中大嘅MoMo Tea (+_+|||||)
环境都OK啊~  
不过时间讲真,就真系好仓促喇....
吃完就走...
不过BF系度2个月~
一定要去多次吖!!!
估下边个系BF~~~~!!!
Presentation终于完咗喇.... 21-5-2007 Log In Battle(血腥啲颜色衬啲)
今日系日语二级开始报名嘅日子
一级,我有排都未到果阶段......
(点解我当初唔系报日语系..)
中午11点30,我一翻到宿舍就开果个主页,
一开开咗10个;
跟住又叫Better开几个;
就咁免却咗12点前入唔到主页嘅问题~
(我真系醒啊!!)
但系,一直都登陆唔到....
当然,咁嘅情况,我就唔会一个人作战;
叫咗好多人帮我;
系度对帮我入去嘅人讲声:
"好多谢你地啊!!"
有啲人要翻工,所以冇麻烦你地~
(除咗爸爸..)
果个网竟然系外国入唔到..
唉..姑姑,真系辛苦晒啊~
我最要多谢嘅就一定系爸爸喇
因为系佢最快帮我报到~
12点半未到,我就得咗喇~
简直谂都冇谂过!
不过果时我都入咗去订位果度喇~
我地速度一致啊~
重点: 爸爸系用佢吃饭时间帮我嘎!!
我真系好感动!
爸爸真系一个好人!
希望有个人会好珍惜佢,一世!!
由识果时起,都差唔多10年喇
不过相处就只有果3年唔够;
仲要唔同部...
但系,我觉得佢俾好多日日对住嘅大学同学好好多!
俾一啲之前对你好就好,依家就好一般嘅人好好多!
我一定会珍惜我哩啲咁嘅FRDS!!
继续报名...
当我啲FRDS同我讲佢地帮我入唔到果时
而我同佢地讲我已经得咗果时
佢地都叫我帮佢地另外嘅FRD报 = =
就咁,我帮3个人报咗!
我部小电嘅网络真好!!!!!哈哈哈
所以,讲真
我觉得今日报名嘅过程都好刺激!
可以玩多次都唔错~~
不过咁样就会有少少对唔起果啲报唔到嘅大众....
In addition,
今日多谢照顾喇!
皆、どうも ありがとう！
頑張ります！ 20-5-2007 卒業式今个星期,我去咗北校三次...
都系因为要同人影毕业相 记得上年呢个时候,过去训练嘅时候,见到好多人系度影相 仲写低咗篇日志 (突然见到日志变博客,郁闷啊.....) 到咗今年,虽然唔系我要影 但系我都有份影~~ 谂到下年嘅哩个时候,就到自己影 就觉得时间过得好快..... 而且重点系,都唔知有冇人送花俾我,同我一齐影相... (虽然阿妈话送俾我...) 不过,见到佢地,先知到,到咗影相果日一定会系好开心嘎!! 依家,我系希望果日快啲到嘎!! 撇开要搵工哩个事实...
nana,虫子,德拉,me 小德拉
见到上边果张相,就好有冲动想影毕业相!! 21-4-2007 お帰りなさい！星期四,睇到消息话Jin要翻嚟,而且活动重开
好开心!
因为KAT-TUN系六个人嘅,Jin真系兑现咗佢嘅承诺
讲真,佢未走嘅时候,我可能冇意识到佢嘅重要性...
我谂,我对佢地六个都会有咁嘅状况
好开心我系中意佢地六个!
之前睇Debut演唱会同听旧歌
发觉,听住Jin唱歌,
真系会有种"あっ、幸せだよ"嘅感觉
所以依家佢翻嚟,
我系唔识讲我有几高兴,
净系会有时自己傻傻咁系度笑~
(其实今年拜山,我希望过Jin快啲翻嘎,点知真系喔~~)
不过,寻日翻咗屋企,一直到今晚先认真睇晒啲记者会
所以,之前一直冇咩实感
不过,依家唔同噜~
不过,可能系我自己多心
我总系觉得啲记者好似审犯咁问佢留学嘅事
真系有咁重要咩?
佢人已经翻嚟,佢冇吃言,
咁重要查根问底咩??
见到佢好攰嘅样(时差问题挂)
仲有好唔习惯镜头嘅样,
突然有种冲动觉得,Jin去留学对佢嚟讲应该系啱嘎...
仲有,当我认真睇记者会嘅时候,
听住其他5个同佢讲嘅嘢,
我又喊喇..
唔知点解,眼泪真系会听唔住
依家再打翻出嚟,
眼泪仲系有...
佢地真系好锡Jin;
佢地真系吃咗好多苦;
(又谂起07跨年..)
但系,咁样就证明到佢地真系经得起考验;
我觉得佢地真系真系可以成为好出色嘅艺人,
因为佢地嘅团结,相互理解!
本当によかった～、まだ六人のKAT-TUN～
仁、お帰りなさい、
えっと、ありがとうございます！
29-3-2007 東京タワー
26-3-2007 网速无能最近，一直都好难上SPACE……
跟住，唔知点解，最近哩几日都唔断网
所以，就趁哩个时候上嚟～
有时突然觉得搵唔到方向……
见到啲人话考哩样考果样
我一啲都唔想考……
考咗又唔知有冇用……
唔考又唔知点……
因为唔想人地考自己就考……
日文，好惊考唔到
因为真系要好俾心机先果度……
而我咁懒，唉……
不过日文，我点都会认真对待嘅
知道咗新碟嘅封面……
无语，失望……
究竟你几时先会翻嚟？？？
我今年不停咁同自己同FRD讲仁点都会翻嚟
而且四月就翻！
但系，四月喇，封面冇佢……
翻嚟嘅机率…………………………（唔想讲为零 － －） 27-2-2007 大扫除新年假期翻嚟，觉得好有必要上嚟发发日子 ～～
其实唔系我懒，系MSN真系开得好慢……
Anyway～
依家就嚟扫扫尘喇！！！
过年期间，都唔使去拜年，因为啊嫲嘅事……
不过好在爹爹回复翻正常，咁样我都放心啲
所以，希望今年我识嘅所有亲人，朋友都健健康康～唔好再有啲咩意外
依家嘅我，系一个要努力储钱嘅人
所以，个脑净系得个“悭”字～～～
仲有，努力学日文～～
（谂起都觉得自己乖啊！！） 26-11-2006 最近的行程越嚟越发觉，人都系中意将啲嘢凑埋一次过讲～
等我有效法下！！
11.23
话说，星期四我地班去老人院慰问……
经过一段车程，终于到达
我碰上咗一个广州嘅阿伯，佢问我知唔知三桥
其实就系广州大桥，但系果个名我又点会知！！
佢竟然话我点做广州人，激死我喇，啲咁OUT嘅名我又点会知
跟住，我全程陪咗个阿婆
佢口齿不清，行路又慢
翻到宿舍，我简直攰死啊！
不过，ANYWAY，都系做好事啫
11.24
到咗星期五，我地有女仔班制三人篮球赛
竟然系大二十分钟，定时间果个绝对系傻嘎！！
我地班啲人唔识打，而人地班又高
结果梗系输喇※……
搞到我全身腰酸骨痛，好惨啊……
11.25
星期六，就行咗成日街，买咗衫同靴
仲有就系上网买嘅群终于送到手
果条群简直几经波折
你话佢冇厘头结咩婚啊！！
仲有，我系江南西度见到果只橙色波波～
好得意啊，同KAME果只一样嘎～
发光前与发光后～～～
11.26 到咗今日，满心欢喜咁去打男女混合赛
点知中途落大雨……
湿到前所未有！！！
所以UN都湿晒
仲要冲大半个冻水凉……
千祈唔好病啊！！！
21-11-2006 冻死喇
10-11-2006 长隆之行噔噔噔凳～～～
经过几星期嘅烦，终于去咗长隆喇我地～
唉……不过，我地之所以去得成，都背负咗好多嘢
但系我冇后悔～～～尤其系去完之后，真系好正！！
系组团方面，我地几经辛苦，终于搵齐人
平死喇，先98咋！
讲翻游戏，过山车一定玩喇，仲要玩咗两次～
十环，摩托过山车一个不漏！！
水战都好过瘾，我地成身湿晒
后嚟冇人嘅时候，连工作人员都用水枪射我地
哈哈，我地见到人就射，爽啊！！
要数经典嘅，一定系摩天轮同旋转木马～
可惜，长隆冇摩天轮啊……
天一黑嘅时候，成间长隆着晒灯嘎
过山车升上去果时见到景色超靓，
可惜就系冇摩天轮～
不过，木马都着灯，好靓～仲有泡泡吹出嚟～～
我地玩到傻傻地，差啲冇尾班车翻入嚟
好在有一个好人车晒我地去车站
佢真系好好好唔话得！！
如果有机会，我一定要去玩多次～～
系果度，自己都后生咗几年吖～
仲同啲去旅行嘅小学生搭讪～
依家啲小朋友真系好鬼CUTE
讲嘢成个大人咁！
仲问我个名，话第时约我出嚟玩～～哈哈哈哈哈
Show all of u a few pics~ it's really a wonderful place~~:
     28-10-2006 久违嘅更新其实，我好早就想更新嘎喇～
不过上星期个管理学要小组讨论＋PRESENTATION
搞到我冇晒时间！！
到之后有时间，就变到谂唔到想讲啲咩……所以依家先更新……
首先系哩度，要同伟纶讲声“对唔起”……
我一直以为星期五唔系27号，原来事实系“系”
好在系十二点前俾我发现咗，仲赶得切～
跟住就系，我参加咗呢个院运会
俾人叫咗我跑200米……
我一啲都冇练过，结果……唔好提喇…………
好在系4*100入边好翻啲
不过都系觉得因为自己接棒嘅时候接得唔好……
如果唔系，校队果个有啲机会追唔到我……
但系，第二已经好好嘎喇～
因为人地有两个校队……
虽然我地系有三个……但系我地系足球篮球队，人地系田径队……
再落嚟，就要讲下我嘅储钱计划！！！
话说呢个日元对人民币系100对7
啫系话一百万YAN就等于七万蚊
呢个就系我嘅目标，有咗哩啲钱，我演唱会睇几场都得啊～～
不过就系前几日，我又用咗百几蚊去买咗KT嘅碟……
睇嚟储钱都要好长一段时间……………… 21-10-2006 病好哩两日，终于觉得好咗少少～～
因为仁嘅离开，搞到我有鼻炎嘅迹象…
最后竟然进化到感冒
唉，依家终于好咗喇～～
有时仲会意识唔到佢走咗
不过事实就唔系咁
不过，佢会翻嘅，一定会！！
所以钱还是要储，碟还是要买，日本还是要去，演唱会还是要睇！！
今个星期，发屋企人烂渣，做完嘢翻咗入学校
一啲都唔明点解一番到去就要人洗碗
就算我个头痛到爆，阿妈仲净系叫我洗碗
果一刻，真系好嬲好嬲！！
不过，估唔到阿爹知我唔番系因为咁＝ ＝
我当然唔会俾佢地知呢个原因喇
总之就由得佢地挂住我喇
咪成日当我系工人！！
仲有就系好多谢BETTER同阿包佢地俾我一个好静嘅环境去平复！ 15-10-2006 人间失格之前,一直都想介绍一下《人间失格》哩出戏
可惜，最近发生咗好多嘢，冇乜心情去讲……
某主页嘅日志越嚟越多,意味着我唔想人担心嘅嘢都越嚟越多..
不过啱啱，睇完个新闻发布会，觉得自己应该好好咁过，等佢翻嚟，
所以，都系介绍下喇
日本校园变态三步曲之一嘅《人间失格》，真系好变态～
十几年前拍嘅，都依家睇，一啲都唔觉 out
呢个就系日剧犀利之处：
俾香港大陆嘅有深度，紧凑；唔会好似韩剧咁来来去去都系果啲内容
《人间失格》里面，讲嘅系一班学生同老师点样逼死一个转校生
而佢地加入欺负行列又有唔同嘅理由：
嫉妒，爱，恨，游戏……样样都有
之后，剧情仲会有所发展～
谂翻起我系自己一个人半夜三更睇，就觉得自己好劲
有兴趣就搵嚟睇下喇，绝对好睇！！
而原来三步曲之一嘅《青之时代》，我初中就睇咗.... 4-10-2006 一个名, 两支队..星期日，终于睇咗一次皇马嘅比赛－－马德里嘅打比
到依家，仲依然清晰咁记得高三老师嘅说话：
“唔好成日挂住睇波喇，考完试大把有得你睇”
虽然冇人听啲老师讲，
不过，依家，我一啲都唔觉大学有好多波睇……
记得以前欧联两点半到五点；NBA Playoff夜晚十二点到八点
依家，真系好少睇……
真系好想可以好似以前咁……
星期日，终于决定睇番场皇马，点知……唉……
好明显，果一支已经唔再系以前嘅皇马……
一个似样嘅中场都冇，
买埋一大班人唔用，又贵…
莱奥仲系以前嘅莱奥；
但系皇马，就唔再系以前嘅皇马…
好伤心，好挂住99年果支，冇费高冇施丹冇朗拿度，
都可以攞欧联冠军嘅皇马！！
好挂住摩连迪斯！！
依家嘅皇马，实力你知我知，
都冇谓讲喇……
不过，仲系会支持佢，
只希望个主席生生性性，买多几个好似简拿华奴咁有用嘅人翻嚟喇～ 26-9-2006 更新~
11-9-2006 誕生日 September 10th， 系本人嘅生日～～
（点解个Space仲系咁核突嘎！！！）
好好啊，收到好多人嘅祝福～
当然，仲系有啲人唔记得！！！！！！！！！！
讲时讲，自从中意咗龟龟之后，今年都收到龟龟～
连阿妈都买咗两只龟俾我养！哈哈
话说，寻日一早就俾阿妈叫咗去饮茶……
之后，就同衰婆去行街～
北京路－地王－北京路－荔广－江南西
一条咁憨居嘅线路系我地先会咁行……
原因就系因为北京路冇我个袋卖，地王啲贴纸相唔靓，
北京路有大家乐，荔广对面啲贴纸相靓，再从江南西翻学……
超攰啊，不过好耐冇同只龟行一日，几好啊！！
翻到宿舍，我已经就嚟饿死喇
所以梗系即刻吃蛋糕喇～～
不过始终要影一大轮相，哈哈哈哈哈～
好好玩啊！！人少少，不过开心！
但系某人一早就话记得我生日，结果系唔记得
真系伤心死我啊………………
（与上某人无关）之后仲要……唔想讲喇……唉……
次次都系咁……我下次明嘎喇……彻底失望喇经已……
好在Nana俾咗好多KT视频我，
冲完凉仲有一个钟睇佢地嘅视频，
心情先再次好翻～～佢地真系正～～
仲有，姑姑得闲就俾电话我喇
我会留定啲电话费俾你嘅～
唉，入咗呢个第三个十年，真系想死啊……
好老啊…………
发奋？！ 都唔知应该点开始……
不过会努力嘎喇我
啲相迟啲就放上嚟啊！～～ 31-8-2006 无奈终于开学喇~
好耐冇写嘢....
不过,唔系我懒,而系入嚟好慢.........
而且,依家嘅space好难睇....
大运,终于过咗~~~
我地都叫攞咗个第六!!
系东莞吃得超好,搞到肥咗,唉.....
又讲翻,我又就嚟老一岁喇,唉....
不过前几日就收到一只乌龟公仔做礼物~~~
好得意嘎佢~~
我等紧阿坚果只啊~~~呵呵~~~  6-7-2006 ~放假喇~
哈哈,终于有时间更新喇~~
今个学期虽然课唔多,但系好颓废..
因为Kame......
搞到复习嘅时候又忙 (其实都算太忙~~)
寻晚,成班人去咗通宵唱K + 睇波
哈哈,都几好玩吖!!成班人一齐!!!!
不过好眼瞓..........
不过,都叫搞掂咗衰婆部机~
多谢花王嘅指导!!
讲翻转头, 毕凡要走喇...
一个突然嘅签证到嚟,今个月20号就要过US...
以后我地小组聚会又会少咗个人喇....
好唔舍得佢啊,
两年喇~虽然只系大学嘅一半,
但系就等于高中嘅大半;
虽然我地系英语课先一齐上,
但系我地就系喺英语课果时先有得吹水~
(因为系小组坐埋一齐)
而且大家都好吹得,好玩得~~
依家突然话走....之前话未有咁快嘎嘛...
呜................呜...
我地冇得小组聚餐喇....
希望佢过到去快啲习惯,俾心机读书!!
希望自己有个充实愉快嘅假期~~ 23-6-2006 Champion!!白色又再出动,当然就系Heat嘅日志喇~
  ]Miami Heat, 终于攞到06年嘅Champion~~~赢咗小牛!!!
个感觉真系好正~让二追四吖!!!
其实,头两场绝对系佢地俾小牛打啧咗,冇晒信心..
当系好多人都觉得Heat冇乜机会赢嘅时候,
我讲咗句"佢地让二追四"
其实,我都有啲惊...
但系,见佢地第三场一开始打得咁好,就乜都放心晒~
点知!?!?! 竟然第三节出现意外..
好在,始终叫赢咗,搵翻啲信心~
咁样,我就坚信佢地会真系让二追四~~
第四场,简直大快人心喇~~
而第五场嘅上半段,Wade嘅表现好差,俾小牛head住8分..
好惊佢地赢唔到哩场..事关后面两场都唔系佢地主场
不过,我始终相信Wade一定会带领Heat~
结果,险胜~~离让二追四更近喇!
第六场,我翻咗屋企睇,因为清晰啲~
落后14分; 10分;到领先10分又被追平..
真系心血少啲都死啊!!
不过,我仲系相信会赢!!!
睇嚟咁样真系好有用~~~
不过, 最后哩场真系好感动~
见到佢地个个都好俾心机咁打波,
Haslem受晒伤,依然唔理咁mark住努域斯基,仲要攞咗唔少分~
Walker, 哩个好骑喱嘅人,竟然会去攞十几个篮板~
Mourning,一个字:劲!! 咁样仲可以做出5个Block Shot,
攰到自己要叫暂停,都依然搏晒老命~
Payton, 依然秉承一场一射嘅宗旨,不过都系关键~
至于Jason, 虽然哩场不怎那么样,
但系贡献系唔可以单以一场嚟计嘅~~
O'Neal 同 Wade, 简直唔使讲喇~
仲要Wade受伤受咗好耐,队脚用嘅Pad已经系NBA唔用嘎喇..
因为重..
但系,咁样先可以护住只脚..
But Wade,依然咁快,咁劲..
仲要,我成个Playoffs都未见过Wade笑,
只有最后攞MVP果一刻..
原来,佢地真系可以为咗一个总冠军连命都唔要...
仲记得,费柴打总决赛果年,Snow只脚骨折之后仲继续打晒果5场..
系明知一定会输俾Lakers嘅5场..
好犀利,佢地!
虽然,我系因为Jason系Heat先咁支持佢地,
不过依家,经过Finals,我绝对系中意成支球队!!
唔净止因为Wade,
系因为我觉得佢地好劲,好搏,好值得!!!
学猪仔话事斋: "无撼噜,我地~" 嗯,Jason攞到总冠军,真系无撼嘎喇~~~ 13-6-2006 心理测验话
你是一个什么样的人, 便会有什么样的家
哩个心理测验, 就系测哩样嘢喇~~
我个答案, 都真系几啱, 讲到我好鬼死好~~
: 你没有过多的奢求,没有太多的不满;
对婆妈唠叨的人没有耐性,独立自主;
喜欢自己解决难题,喜欢吸收知识;
只要有事做,立刻全身充满活力; ect.
最后个结尾仲要系: 做你的家人真好~
哈哈,睇到咁样讲我,真系会变自大啊~~
Hohoh~~
最近,所有人都好似陷入咗哩个世界杯热潮.
话题全部都系关于世界杯..
晚晚都会听到全校宿舍啲人系度大叫,
最死嘅系,系唔系都叫!!!
尤其系一班明明唔识睇波但又要扮识果啲...
希望睇波嘅Frds同爹爹注意下身体,唔好晚晚都追,
系真系好睇先睇喇~好似听晚嘅西班牙vs乌克兰~~
哈哈~西班牙简直系大胜啊~
又系果句: 估唔到乌克兰咁不堪一击...
then, 阿根廷简直丧嘎,狂炒塞黑6波...
总之我睇亲果啲都系大比数嘅,都唔知系咪真系咁"乔"
仲有,六级终于考完喇,系生系死唔理喇
唞下先啊要....
跟住就到期末...唉.....
几时先到7月啊,Kame嘅新戏,Kat-tun嘅新单曲啊~~
超期待啊,只单曲真系好正,虽然曲风完全同Real Face唔同~
"Signal"~~我等!!! 7-6-2006 超搞笑话说有一日,
一个男同一个女表白
:"如果有个男仔中意一个女仔,而又觉得个女仔有啲中意自己,
咁应该点同个女仔讲?
如果个男仔系我,个女仔系你?"
哩种方法真系out到冇得再out,
但系咁都俾我室友遇到~~
好明显,梗系refuse喇
事关根本冇人中意过果个人,竟然以为人地中意佢...
最搞笑嘅系,果个人讲嘅一句话
-------"你没有骗自己??"
问你死未~~
足足笑咗我成晚啊,"你没有骗自己??"
哈哈哈哈哈~~~
1-6-2006 6.1.
今日,六一儿童节,无聊!
今日,我终于湿咗我果只两个星期以来都冇湿过水嘅手指
其实,只手指仲系瘀+肿
但系因为系右手食指,冇咗佢真系好唔方便
就咁,我都唔知点解,决定今日湿水~
可能系因为想做翻一样我真系想做嘅嘢挂...
俾阿妈知道就弊喇~~唔听佢讲
仲有就系,我嘅衰婆竟然俾人hup到上头!!
原因就系佢只牛周围嘅草地有太多花...
哩朵白痴花竟然够胆虾佢,
简直未死过啊!!!
等我系度帮你闹下佢~
有咩事,就过嚟搵我,我锡翻你~衰鬼~~
6.3. 寻日同衰婆一齐link啲space,唔觉唔觉,竟然link到去ben law果度..
佢系以前97佢果届嘅"校草",哈哈,
我地两个以前都会去睇佢地打波,最后,
我地决定系佢space度留言,唔知佢仲记唔记得~~
仲有就系,今日Heat以大比分大胜Detroit~~
Jason仲好劲咁12投10中,前10投全中~~
仲有6个助攻+1个偷波~
终于入到总决赛喇,要加油啊~~~
31-5-2006 White Hot头先,系宿舍睇Heat vs Pistons嘅第四场,好劲啊~~
所以,为咗哩个white hot,我今日系用白色~
依家已经领先3-1喇,好快就会赢埋果场,
因为,heat好似完全掌握晒Detroit哩队波,
rebounds, blocks全部都有~
尤其系Wade, 助攻/得分/篮板/封波/偷波/
样样都有~
简直冇得mark啊~
而且, heat好似吃晒Pistons条路,搞到佢地冇气唞
最紧要系连Walker哩个麻烦人都打得好,
再加上O'Neal又勤力咗, Jason又少咗好多turnover
睇嚟今年嘅总冠军都好有希望嘎喇~~~哈哈哈哈~~
Jason可以攞总冠军噜~~~
不过,讲真,见到Wade咁搏,
就好惊佢又受伤...
仲记得上年就系因为受伤而饮恨East. Finals第七场...
今年唔可以再咁嘎喇!!
但系其实佢依家都有好多伤...
希望West.果边打足七场,俾多啲时间去唞喇~~
Lalala~~~~等攞总冠军果日~~ |
|||||||||
Een privébericht verzenden
Aanmelden voor RSS-feed
Vertel het je vriend(in)
Toevoegen aan live.com
Aan netwerk toevoegen
Aanmelden voor Alerts
德拉的班~~
|
|
